திருக்குறள்

அன்புடைமை

அன்பின் உயர்வு மற்றும் சிறப்பு பற்றியும், அன்பினால் ஏற்படும் நன்மைகள் பற்றியும் பெருநாவலரான திருவள்ளுவர் தமது எட்டாவது “அன்புடைமை” என்னும் அதிகாரத்தில் கூறியுள்ளார்.

71. அன்பிற்கும் உண்டோ அடைக்குந்தாழ் ஆர்வலர்

      புண்கணீர் பூசல் தரும்

பொருள் : உள்ளத்தில் இருக்கும் அன்பைத் தாழ்ப்பாள் போட்டு அடைத்து வைக்க முடியாது. அன்புக்குரியவரின் துன்பங்காணுமிடத்து, கண்ணீர்த்துளி வாயிலாக அது வெளிப்பட்டுவிடும்.

72. அன்பிலார் எல்லாம் தமக்குரியர் அன்புடையார்

      என்பும் உரியர் பிறர்க்கு

பொருள் : அன்பு இல்லாதவர் எல்லாப்பொருள்களையும் தமக்கே உரிமையாகக் கொண்டு வாழ்வார்: அன்பு உடையவர் தம் உடமையும் பிறர்க்கு உரிமையாக்கி வாழ்வர்.

73. அன்போ டியைந்த வழக்கென்ப ஆருயிர்க்கு

      என்போ டியைந்த தொடர்பு

பொருள் : உயிரும் உடலும்போல் அன்பும் செயலும் இணைந்திருப்பதே உயர்ந்த பொருத்தமாகும்.

74. அன்பீனும் ஆர்வம் உடைமை அதுஈனும்

      நண்பென்னும் நாடாச் சிறப்பு

பொருள் : அன்பு பிறரிடம் விருப்பம் உடையவராக வாழும் தன்மையைத் தரும்: அஃது எல்லாரிடத்தும் நட்பு என்றுசொல்லப்படும் அளவற்ற சிறப்பைத் தரும்.

75. அன்புற் றமர்ந்த வழக்கென்ப வையகத்து

      இன்புற்றார் எய்தும் சிறப்பு

பொருள் : உலகில் இன்புற்று வாழ்கின்றவர்க்கு வாய்க்கும் சிறப்பு, அவர் அன்புள்ளம் கொண்டவராக விளங்குவதன் பயனே என்று கூறலாம்.

76. அறத்திற்கே அன்புசார் பென்ப அறியார்

      மறத்திற்கும் அஃதே துணை

பொருள் : அறம் எதுவென அறிந்தும் அதனைக் கடைப்பிடிக்காதவரை, அவரது மனச்சாட்சியே வாட்டி வதைக்கும். அது வெயிலின் வெம்மை புழுவை வாட்டுவதுபோல இருக்கும்.

77. என்பி லதனை வெயில்போலக் காயுமே

      அன்பி லதனை அறம்

பொருள் : அகத்தில் அன்பு இல்லாமல் வாழும் உயிர் வாழக்கை வளமற்ற பாலைநிலத்தில் பட்டமரம் தளிர்த்தாற் போன்றது.

78. அன்பகத் தில்லா உயிர்வாழ்க்கை வன்பாற்கண்

      வற்றல் மரந்தளிர்த் தற்று

பொருள் : மனத்தில் அன்பு இல்லாதவருடைய வாழ்க்கை, பாலைவனத்தில் பட்டமரம் தளிர்த்தது போன்றது.

79. புறத்துறுப் பெல்லாம் எவன்செய்யும் யாக்கை

      அகத்துறுப் பன்பி லவர்க்கு

பொருள் : அன்பு என்னும் அகத்து உறுப்பு இல்லாதவர்க்குப் புறத்து உறுப்புக்கள் அழகாக இருந்து என்ன பயன்?.

80. அன்பின் வழிய துயிர்நிலை அஃதிலார்க்கு

      என்புதோல் போர்த்த உடம்பு

பொருள் : அன்புநெஞ்சத்தின் வழியில் இயங்குவதே உயிருள்ள உடலாகும்; இல்லையேல், அது எலும்பைத் தோல் போர்த்திய வெறும் உடலேயாகும்.