தேவையான பொருட்கள் :

இட்லி அரிசி அல்லது புழுங்கலரிசி – 4 டம்ளர்

உடைத்த வெள்ளை

உளுத்தம்பருப்பு – 1 டம்ளர்

வெந்தயம் – 1 டீஸ்பூன்

அவல்- ஒரு கைப்பிடி

செய்முறை:

 

  • இட்லி அரிசி என்றால் 5 மணி நேரம் ஊறினால் போதும், புழுங்கலரிசி என்றால் முந்தின நாள் இரவே ஊற விடவும்.
Idly
  • வெள்ளை உளுத்தம்பருப்பு ஒரு மணி நேரம் ஊறினால் போதும், ஊறின பிறகு பருப்பைக் குளிர்சாதனப் பெட்டியில்வைத்து விடவும்.
  • அரிசியைக் களைந்து மின் அரைப்பானில்(கிரைண்டர்) போடவும், இதனுடன் அவல், வெந்தயத்தையும் சேர்த்து தண்ணீர் விட்டு அரைக்க விடவும்.
  • இருபத்தைந்து நிமிடங்கள் அரைபட வேண்டும், அடிக்கடி தண்ணீர் விட்டு வர வேண்டும். நன்றாக மையாக அரைபட வேண்டுமென்ற அவசியமில்லை. பிறகு அதனை வேறொரு பாத்திரத்தில் போட்டு விட்டு வெள்ளை உளுத்தம்பருப்பைக் களைந்து போட வேண்டும்.
Idly
  • தண்ணீர் அதிகம் ஊற்றாமல் மூன்று நிமிடங்களுக்கு ஒரு முறை கொஞ்சமாக ஊற்ற வேண்டும்.
  • பருப்பு வெண்ணெயாக அரைபடுவதில் தான் சூட்சமமே அடங்கியிருக்கிறது.
  • பிறகு உப்பைப் அரைபட்ட பருப்புமாவில் போட்டு ஒரு சுற்று சுற்றி எடுக்கவும்.
  • அரைத்த மாவையும் இந்த உளுத்தம்மாவையும் ஒன்று கலக்கவும், ஆற்றவும். தனித்தனிப் பாத்திரங்களில் முக்கால்வாசி அளவு வருமாறு(பொங்கும், புளிக்கும் என்பதால்) விட்டு வெளியில் வைக்கவும், குளிர்காலங்களில் புளிக்காது என்பதால் அவனில் வைத்துக் கொள்ளலாம்.

நன்மைகள் : அரிசியிலும், உளுத்தம் பருப்பிலும் உள்ள விட்டமின்கள், நார்ச்சத்துக்கள், இரும்பு, கால்சியம், பாஸ்பரஸ் போன்றஉப்புக்கள் நோய் நச்சு முறிவு மருந்தாக உயர்கின்றன.

பிறவற்றைக் காண்க :

தோசை

நமது உடலுக்கு கார்ப்ஸ் அவசியம் தேவைப்படுகிறது தோசையில் இது கிடைக்கிறது.

கேழ்வரகு தோசை

மலச்சிக்கல் ஒழியும் அதிக நேரம் பசி தாங்கச் செய்யும்.

சோள தோசை

தானியம் உணவாகவும், உலர்ந்த சோளத் தட்டை கால் நடை தீவனமாகவும் பயன்படுகின்றது.

கம்பு தோசை

மற்ற தானியங்களை விட கம்பு அதிக புரதசத்து மட்டுமல்லாது அமினோ அமிலங்களையும் அதிகம் பெற்று தரம் வாய்ந்ததாக விளங்குகிறது.